歌手:岗甲尔
专辑:《心意情》

作词 : 岗甲尔
作曲 : 岗甲尔
词：翼罗
曲：岗甲尔
歌词大意：
心中的话儿
只想对你倾诉
魂牵梦绕的你
若能心心相印
我的花儿为你绽放
我的世界因你而精彩
གཞས་ཚིག གཡུ་ལོ།
དབྱངས། གངས་རྒྱལ།
གཞས་པ། གངས་རྒྱལ། ཏྭ་རེ་ལྷ་མོ།
༼ཕོ༽ང་ཡི་ཆུང་འདྲིས་བྱམས་པ།།
ཐུགས་སེམས་སྐྱོ་སྐྱོ་མ་གནང་།།
སྙིང་གཏམ་སྙིང་གི་ནོར་བུ།།
ཁྱེད་ལས་སྟེར་འདོད་མི་འདུག །

༼མོ༽སེམས་ཀྱི་རྣམ་ཤེས་ཕྲ་མོ།།
མི་འགྱུར་གཅིག་ཏུ་མཐུན་ན།།
བརྩེ་བ་ཟེའུ་འབྲུ་མངར་མོ།།
སྦྲང་མ་ཁྱེད་ལ་གཏད་ཆོག །

༼ཕོ༽ཡ་ཆུང་སེམས་པའི་དཀྱིལ་ནས།།
སྙིང་གཏམ་མར་ལོ་བཤད་ས།།
སྙིང་གཏམ་སྙིང་གི་ནོར་བུ།།
ཁྱེད་ལས་སྟེར་འདོད་མི་འདུག །

༼མོ༽སྙིང་གཏམ་སྙིང་གི་ནོར་བུ།།
ཁྱེད་ལ་སྟེར་འདོད་ཡོད་པས།།
མྱི་ཁའི་རླུང་དམར་འཚུབས་ཀྱང་།།
འཛེམ་དོགས་བྱེད་ཚོད་མི་འདུག།

༼མཉམ་ལེན༽མི་ཚེ་འདི་ཡི་གཏན་གྲོགས།།
ཁྱེད་ཉིད་གཅིག་པུ་ཡིན་པ།།
ཡིད་ཀྱི་མེ་ལོང་ནང་དུ།།
འགྱུར་མེད་རི་མོ་བྲིས་ཡོད།།

ང་ཡི་ཆུང་འདྲིས་བྱམས་པ།།
ཁ་བ་ལས་ཀྱང་དཀར་བ།།
མི་ཚེ་མ་རྫོགས་བར་དུ།།
མི་འགྱུར་དམ་བཅའ་བཞག་ཡོད།།