歌手:格桑旺久
专辑:《梦想》

作词 : 白玛旦增
作曲 : 格桑旺久
རྒྱ་ཆེ་བའི་གནམ་མཐོང་གི་ཐང་དཀར་རྒོད་པོ་ཁོང་།
གྲང་རླུང་གདོང་གི་བསུས་ནས་གཤོག་རྩལ་སྦྱང་གིས།
དཀའ་ངལ་ལ་མི་སྐྲག
དེ་ནི་ཕུགས་བསམ་གྱི་ཉམས་འགྱུར།
དུས་སྟེང་གི་སྤྱི་ཚོགས་འགྲན་རྩོད་ཆེན་མོ་རེད།
དེར་བརྟེན་ང་ཡི་གླུ་གཞས་དེ་ལ་གསན།གྲོགས་པོ་ལགས།
རང་གི་ཕུགས་བསམ་ཆེད་དུ།འབད་བརྩོན་ལྷོད་མེད་བྱོས།
འོ་་་་་་གཞོན་ནུ་ཚོ། ཕུགས་བསམ་དགོས།
རང་ལ་ཕུགས་བསམ་ཡོད་ན་ཀུན་གྱིས་གོང་དུ་བཀུར།
འོ་་་་་་་་ཕུགས་བསམ་ཆེད་འབད་བརྩོན་བྱོས།
མ་འོངས་ལག་ཏུ་བཟུང་།
ཕུགས་བསམ་སྟོང་བསམ་དང་རྨི་ལམ་རེད་མ་བསམ།
༢ དྲི་ཞིམ་གྱི་མེ་ཏོག་ཕྲོད་དུ་བུང་བ་ཁོང་།
ཉེན་ཁ་སེམས་ནས་བསམ་ཡང་སྦྲང་རྩེ་གསོག་གིས།
དཀའ་ངལ་ལ་མི་སྐྲག།
འདི་ནི་ཕུགས་བསམ་གྱི་ཉམས་འགྱུར།
དུས་དེང་གི་སྤྱི་ཚོགས་འགྲན་རྩོད་ཆེན་མོ་རེད།
དེར་བརྟེན་ང་ཡི་གླུ་གཞས་དེ་ལ་གསན།གྲོགས་པོ་ལགས།
རང་གི་ཕུགས་བསམ་ཆེད་དུ་འབད་བརྩོན་ལྷོད་མེད་བྱོས།
འོ་་་་་་གཞོན་ནུ་ཚོ། ཕུགས་བསམ་དགོས།
རང་ལ་ཕུགས་བསམ་ཡོད་ན་ཀུན་གྱིས་གོང་དུ་བཀུར།
འོ་་་་་་ཕུགས་བསམ་ཆེད་འབད་བརྩོན་བྱོས།
མ་འོངས་ལག་ཏུ་བཟུང་།
ཕུགས་བསམ་སྟོང་བསམ་དང་རྨི་ལམ་རེད་མ་བསམ།
༣ ལེ་ལོའི་ཕྱིང་ཞྭ་མར་ལ་ཕུད།
བརྩོན་པའི་ལ་བ་ལུས་ལ་གྱོན།
ཤུགས་རྒྱབ་ཤོག ཕུགས་བསམ་དེ་ཡི་ཆེད།
འདི་ནི་ང་ཡི་བཤད་པའི་སེམས་སྟེང་གི་སྐད་ཆ་ཡིན།