歌手:西皮士
专辑:《棄劍集》

作词 : 吴宇森/刘天赐
作曲 : 西皮士
秋樺：你喺度等，等乜嘢？
韋白：以前我做事，從來都唔經過考慮。
但係呢一次…
秋樺：呢一次，你會猶疑不决？
松仁：唔使考慮嘞，去阿。
全天下人都知你為咗高朋去打白忠堂，够義氣！
韋白：你都知？
松仁：佢哋而家等緊你，仲過癮過參加大宴會。
如果我係你，我一定唔會錯過。
韋白：或者，生與死都唔係好重要。
（松仁擊破酒罈）
松仁：我喺殺人之前，都會飆冷汗。
唔飲嘀酒，嘀冷汗會將我凍死。
松仁：咪淨係掛住飲酒先得噶。呐，要知己知彼，先至能够百戰百勝。呢度係白家莊，周圍有三十六個武士圍住，大門口，有黃鼠狼、鬼纓槍守住，雖然佢哋都係飯桶，但係要提防蟻多摟死象。你見過奪命勾魂鎍未？
松仁：要對付呢一班人，
一定要靠我哋兩個人。
韋白：我哋？我哋兩個？
松仁：如果你有咩三長兩短，
邊個鐘意同一個死人飲酒阿？
松仁：睡佛狂刀，刀法神出鬼沒。
韋白：你點會知得咁清楚？
松仁：我鐘意管閒事。
松仁：最難對付嘅，就係白忠堂。
松仁：你要…提防最後一招。
韋白：最後一招？
松仁：連我自己都唔知。
韋白：你呢個咁有辦法嘅人，都搞唔掂？
（白家莊之戰）
韋白：你…唔係開玩笑噶嚒？
松仁：開玩笑，唔係呢個時候。
韋白：點解？
松仁：高朋俾我五百兩，叫我帶你人頭返去。
韋白：高朋？
松仁：有用嘅時候，你就係朋友，無用嘅時候，你就係爛茬渣。
韋白：唔通咁就係最後一招？
松仁：我早就叫你防備阿。
韋白：（冷笑）我對朋友從來都唔防備。
松仁：所以你同我，都註定失敗。
韋白：仲有無第二招？
松仁：有！第三招，第四招，
做朋友招數實在太多，你簡直防不勝防。