歌手:西藏病人
专辑:《转经道上的屠夫》

作词 : 西藏病人
作曲 : 西藏病人
སྟོན་མཇུག་གི་མཇུག་ཏུ།
གདངས། བོད་ཀྱི་ནད་པ།
ཚིག བོད་ཀྱི་ནད་པ།

ཁྱོས་ང་ལ་བསྐུར་བའི་ཡུལ་ལྗོངས་དེ་ཁྱོད་ཀྱི་ཕ་ཡུལ་ཡིན་ནམ།
གྲོ་ནས་ཀྱི་སྙེ་མ་མཚོ་རླབས་བཞིན་ལྡེམ་པའི་ཞིང་ཁ་དེ་ནས།
ངས་ཁྱོད་དང་རྒྱས་སྤྲོས་ངང་གཉེན་བསྒྲིགས་ཏེ།
ཨུ་ཚུགས་ཀྱིས་ཆང་བཅད་ནས།
སྐྱིད་སྡུག་གནམ་ལ་བཅོལ་བའི་སོ་ནམ་པ་བཅའ་འདོད།
མཛེས་སྡུག་གི་རྒྱ་སེ་འཚང་ཀས་སྐྱེས་ནའང།
ཁྱོད་རང་མེད་ཚེ་སྙིང་པོ་མེད།
འབྱུང་འགྱུར་གྱི་འཚོ་བ་རེ་བས་སྟོངས་ནའང་།
ཁྱོད་རང་ཡོད་ཚེ་སྐྱོ་སྣང་མེད།
ཐང་སྟོང་གི་གླུ་གཞས་རླུང་ལ་འདྲེས་པ་བཞིན།
ཁྱོད་རང་སོང་ཚེ་སྟོང་པ་ཡིན།
མཚན་གཞུང་གི་སྐར་མདར་དམིགས་ཡུལ་མེད་པ་བཞིན།
ཁྱོད་རང་སོང་ཚེ་ཁེར་རྐྱང་ཡིན།

ཁྱོས་ང་ལ་བསྐྱུར་བའི་རྒྱབ་གཟུགས་དེ་གྱེས་ཁའི་ལེགས་སྐྱེས་ཡིན་ནམ།
སྟོན་མཇུག་གི་མཇུག་ཏུ་འུར་ཟིང་གིས་སྨྱོས་པའི་སྲང་ལམ་དེ་ནས།
ངས་ཁྱོད་དང་རྒྱུས་མེད་པའི་ཚུལ་བསྟན་ཏེ།
འཛུམ་མེད་པའི་གདོང་སྦེད་ནས།
དྲོ་གྲང་གཞན་ལ་འདྲི་བའི་འགྲུལ་བཞུད་པ་བཅའ་འདོད།
མཛེས་སྡུག་གི་རྒྱ་སེ་འཚང་ཀས་སྐྱེས་ནའང།
ཁྱོད་རང་མེད་ཚེ་སྙིང་པོ་མེད།
འབྱུང་འགྱུར་གྱི་འཚོ་བ་རེ་བས་སྟོངས་ནའང་།
ཁྱོད་རང་ཡོད་ཚེ་སྐྱོ་སྣང་མེད།

ཐང་སྟོང་གི་གླུ་གཞས་རླུང་ལ་འདྲེས་པ་བཞིན།
ཁྱོད་རང་སོང་ཚེ་སྟོང་པ་ཡིན།
མཚན་གཞུང་གི་སྐར་མདར་དམིགས་ཡུལ་མེད་པ་བཞིན།
ཁྱོད་རང་སོང་ཚེ་ཁེར་རྐྱང་ཡིན།