歌手:三智才让
专辑:《三智才让精选集》

作词 : 斗拉加
作曲 : 三智才让
男：
ལྷ་རྗེ་ལགས། ལྷ་རྗེ་ལགས།
དང་པོ་རྨ་རྫ་ཟལ་མོ་སྒང་གི་འབྲོག་ཐང་ནས།
ཨ་ལྕགས་འབྲི་ལས་མཆེད་པའི་མི་བུ་སྙིང་སྟོབས་ཅན།
གནའ་དེང་གསོ་རིག་ནོར་བུའི་ཞིང་ཁམས་རིམ་གྱིས་འགྲིམས།
སྙིང་རྗེ་རྒྱུད་ལ་འཁྲུངས་ཤིང་ཤེས་རབ་བློ་ལ་འཕེལ།
嗦呀啦 呀啦嗦耶
སྙིང་རྗེ་རྒྱུད་ལ་འཁྲུངས་ཤིང་ཤེས་རབ་བློ་ལ་འཕེལ།
女：
ལྷ་རྗེ་ལགས། ལྷ་རྗེ་ལགས།
བར་དུ་གསོ་རིག་མཛད་འཕྲིན་མདོ་སྨད་ཕྱོགས་སུ་སྤེལ།
རྨ་རྒྱལ་གངས་རིའི་འདབས་ནས་ཙོང་ལ་རིང་མོའི་བར།
འཚོ་བྱེད་ཀུན་ཕན་གླིང་ཞེས་དགའ་ཚལ་མང་དུ་བསྐྲུན།
བཞི་བརྒྱ་རྩ་བཞིའི་ནད་གདོན་མ་ལུས་དྲུང་ནས་འབྱིན།
嗦呀啦 呀啦哩嗦呀
བཞི་བརྒྱ་རྩ་བཞིའི་ནད་གདོན་མ་ལུས་དྲུང་ནས་འབྱིན།
男：
ལྷ་རྗེ་ལགས། ལྷ་རྗེ་ལགས།
མཐའ་མར་དུས་དབང་རླུང་འཚུབ་རྒོད་པའི་བར་གསེང་ནས།
མདོ་ཁམས་ཡུལ་འདིར་གསོ་རིག་སློབ་གླིང་ཐོག་མ་བཙུགས།
དཔལ་ལྡན་རྒྱུད་བཞིའི་དགོངས་པ་བུ་སློབ་སྟོང་ལ་བསྩལ།
ངེས་དོན་སྐྱེས་ཆེན་དམ་པའི་རྣམ་ཐར་ཡུན་གྱིས་བསྐྱངས།
嗦呀啦 呀啦嗦耶
ངེས་དོན་སྐྱེས་ཆེན་དམ་པའི་རྣམ་ཐར་ཡུན་གྱིས་བསྐྱངས།
女：
ལྷ་རྗེ་ལགས། ལྷ་རྗེ་ལགས།
འདི་ནི་གངས་སེང་དཀར་མོ་ཞིག་གི་གད་རྒྱངས་ཡིན།
འདི་ནི་རྒྱ་སྟག་ངར་མ་ཞིག་གི་དཔའ་གདངས་ཡིན།
འདི་ནི་སྐྱེས་བུ་མཁྱེན་ལྡན་ཞིག་གི་བློ་སྤོབས་ཡིན།
འདི་ནི་འཚོ་བྱེད་གཞོན་ནུ་ཞིག་གི་སེམས་འདུན་ཡིན།
嗦呀啦 呀啦哩嗦呀
འདི་ནི་འཚོ་བྱེད་གཞོན་ནུ་ཞིག་གི་སེམས་འདུན་ཡིན།
合：
ལྷ་རྗེ་ལགས། ལྷ་རྗེ་ལགས།
འདི་ནི་གཡུ་འབྲུག་སྔོན་མོ་ཞིག་གི་ངར་སྐད་ཡིན།
འདི་ནི་ཐང་དཀར་རྒོད་པོ་ཞིག་གི་གཤོག་འགྱུར་ཡིན།
འདི་ནི་རིག་པའི་དཔའ་བོ་ཞིག་གི་དམ་བཅའ་ཡིན།
འདི་ནི་གསོ་རིག་མཁན་པོ་ཞིག་གི་ལག་རྗེས་ཡིན།
嗦呀啦 呀哩啦嗦呀
འདི་ནི་གསོ་རིག་མཁན་པོ་ཞིག་གི་ལག་རྗེས་ཡིན།
嗦呀啦 呀哩啦嗦呀
འདི་ནི་གསོ་རིག་མཁན་པོ་ཞིག་གི་ལག་རྗེས་ཡིན།