歌手:Manhand
专辑:《慢行》

每個人到最后都係得個死字
主要係睇你整個過程 有無意義
諗真啲 你又會發覺 嘩 咁大件事
后悔莫及竟然係對我哋最大嘅諷刺
咁樣繼續落去無人會理由得你向下沉
為錢任勞任怨幾時先可以抬起頭做人
卑躬屈膝任人駛點解要一世扮傻仔
發奮做人都唔係為咗証明啲乜野俾人睇
（不必要再想那過失 Don't Give Up 會總有辦法）
呢個世界咁大可以盡情發揮
揾番一個位置企硬唔好動搖有排捱
（點解要）假裝幼稚（點可以）若無其事
唔係樂高玩具陪你裝砌童話伊町園
而係游玩在迷宮迷失兜兜轉轉
面對現實卒之都到咗你要死得個一日 諗下計下
先至發覺自己真係無乜點樣 做過啲乜
渾渾噩噩由朝到晚唔上唔落每個星期一至七
有得有失仲爭啲乜
每個人都應該有套屬於自己嘅美滿人生規則
爭啲乜 到咗呢個要你埋單嘅時刻個心又有啲嗡
點解成世啃親都係個啲豬頭骨
係咪就係要咁就過一世
無眼睇清睇楚睇佢睇我睇你哋咁無謂
咁樣過咗咁多年來你哋又唔覺有問題
生存係咁樣嘅大氣候 哼 你話弊唔弊
唔係話你今日有權有勢有景有米富裕人生就等於擁有一切（就可以好巴閉）
而係當你試過跌過痛過到過谷底翻來先會發覺原來自己以前確實係 幾無謂
可知要失去 一切接受太不易 沒法再幸免 不改變 是我太快到終結
假使你可以 再一次感覺太相似 盡快給我解開死結 但這個案會否可再一次
唔好成世都係得把口 一味淨係識得係度埋怨呢個世界有幾醜
到咗呢個時候你又有無認真咁樣諗過到底自己聽日條路 要點走
咁耐以來 都係得個講字你又唔會覺得 唔好意思
原地踏步 仲要一路死守係同一個位置 好易出事
睇怕過多幾年你嘅生活都係一樣 咁無意義 咁就玩完
但係你又接受唔來仲未甘願 如果你有本事都可以走去做先
唔駛講到咁遠你都仲未搞好目前 喂 依家Last Order啦先生
你要加水加酒埋單嘅就依家 趁仲有得揀慢慢諗
未到最后未到打烊認為未係時候埋單 多謝慢行歡迎下次再光臨
可知要失去 一切接受太不易 沒法再幸免 不改變 是我太快到終結
假使你可以 再一次感覺太相似 盡快給我解開死結 但這個案會否可再一次
It's a last try for your life
It's a last try for your life
It's a last try for your life
like this, like this, like this