歌手:嘎代才让
专辑:《轮回域》

作词 : 嘎代才让
作曲 : 佐钦旦增
གཡུ་ཆུང་དྲུག་དཀར།
གཡུ་ཆུང་དྲུག་དཀར་མེས་པོའི་ལག་ནས་བརྒྱུད་ཡོང་།
འོད་དང་བྱིན་རླབས་འཛོམས་ཡོད།
གངས་ཀྱི་ཞུན་མ་འཁྱིལ་ཡོད།
བླ་མས་གཟིམ་ཆུང་ནས་གནང་བའི་གནའ་སྔ་མོའི་ངག་རྒྱུན།
ངག་རྒྱུན་དགའ་སྐྱོ་གཉིས་འཛོམས།
བུ་དང་བུ་མོས་ཤེས་ཡོད།
ཨོ། སྒང་པ་བོད་ལ་བརྩེ་བའི་རི་མོ་བྲིས།
རི་མོ་བཀྲ་ཤིས་རྟགས་བརྒྱད་བྲིས།
གཡུ་ཆུང་དྲུག་དཀར།
གཡུ་ཡི་རྣམ་ཤེས་ས་ནས་འབུས།
ས་འདི་མེས་པོའི་ཕ་ས།
གཡུ་འདི་མེས་པོའི་བླ་གཡུ།
སུ་དང་གང་གི་སྨོན་འདུན།
དཀོན་མཆོག་གསུམ་པོས་མཁྱེན་ཡོད།
གཡུ་ཆུང་དྲུག་དཀར།
གཡུ་ཆུང་དྲུག་དཀར་མེས་པོའི་ལག་ནས་བརྒྱུད་ཡོང་།
བློ་དང་ཤེས་རྒྱ་འཛོམས་ཡོད།
སྙིང་རྗེའི་གཟི་བྱིན་འབར་ཡོད།
དཔའ་བོས་གཡུལ་ས་ནས་གནང་བའི་གྲི་མདུང་གི་ང་རོ།
ང་རོ་ཞི་དྲག་གཉིས་འཛོམས།
ཆུ་དང་གཙང་པོར་འཁོར་ཡོད།
ཨོ། སྒང་པ་བོད་ལ་བརྩེ་བའི་རི་མོ་བྲིས།
རི་མོ་བཀྲ་ཤིས་རྟགས་བརྒྱད་བྲིས།
གཡུ་ཆུང་དྲུག་དཀར།
གཡུ་ཡི་རྣམ་ཤེས་དགུང་ནས་འཁྲུངས།
དགུང་འདི་མེས་པོའི་མཁའ་དབྱིངས།
གཡུ་འདི་མེས་པོའི་བླ་གཡུ།
སུ་དང་གང་གི་སྨོན་འདུན།
དཀོན་མཆོག་གསུམ་པོས་མཁྱེན་ཡོད།
དཀོན་མཆོག་གསུམ་པོས་མཁྱེན་ཡོད།