歌手:AbdurusulObul
专辑:《Manga Ishen-歌曲》

作词 : AbdurusulObul
作曲 : AbdurusulObul
غەمگۈزارىم جان ئاتا سىزنى ئەجەپ سېغىندىم،
غېرىپ كۆڭلۈم بەزلەشكە باغرىڭىزنى سېغىندىم.
ئارزۇ قىلدىم تىلىدىم چۈشۈمدە بىر كۆرۈشنى،
مىڭ قۇياشنىڭ تەپتى بار مىھرىڭىزنى سېغىندىم.

يىقىلغاندا ھاياتنىڭ ئەگرى ـ توقاي يولىدا ،
تۇر ئوغلۇم دەپ يۈلەرگە قەددىڭىزنى سېغىندىم.
سېغىنىشنىڭ ئوتلىرى خەستە قىلدى دىلىمنى،
ئاھ نادامەت قوينىدا ئاتا سىزنى سېغىندىم..

يۈزىڭىزنى كۆرەلـمەي پەرياد ئۇرۇپ يىغلىدىم،
سىزبار بازار قاينىغان ئۆيىمىزنى سېغىندىم.
قەبرىڭىزنى يوقلىدىم سۆيدۈم يۈرەك قانمىدى،
بىر مەرتىۋە سۆيۈشكە يۈزىڭىزنى سېغىندىم.

نادان ئىكەنمەن بار چاغدا بىلـمەي يۈرۈپ قەدرىنى،
ئەمدىلىكتە ئاھ ئۇرۇپ ئاتا سىزنى سېغىندىم.