歌手:罗布桑珠
专辑:《Kapar》

作词 : SHAPALEY/罗布桑珠
作曲 : SHAPALEY/罗布桑珠
༺ ཁ་པར། ༻
ཚིག་གདངས། ཤ་བག་ལེབ། ནོར་བུ་བསམ་གྲུབ།
གཞས་གཏོང་མཁན། ཤ་བག་ལེབ། ནོར་བུ་བསམ་གྲུབ།
དྲན་གྱི་འདུག་གས།
ང་གཉིས་གང་འདྲས་ཐུག་ཡོད་མེད་བསམ་བློ་བཏང་ན།
ང་ཚོང་ཁང་ནང་གོམ་པ་བརྒྱབ་ནས་འགྲོ་དུས།
ངས་རང་མཐོང་བྱུང་ང་།
རང་ཕར་ཙམ་དེར་རྐུབ་བཙུགས་ནས་བསྡད་ཤག
ངས་ཚུར་ཙམ་དེར་རྐུབ་སྟེགས་སྒང་ལ་བསྡད་ཡོད།
རང་གིས་ངར་ཚུར་བལྟས་ནས་བསྡད་པའ།
ངའི་སེམས་དེས་རང་འཚལ་ནས་བསྡད་ཤག
འདུག རང་རྣམ་པ་དེ་མཛེས་དྲགས་ནས་ང་དྲན་པ་འཐོར་གྲབས་བྱས་བྱུང་།
རང་དང་པོ་མཐོང་དུས་ངའི་སྙིང་དེ་འཁྱག་པ་ཟུར་བྱས་བཞུར་གྲབས་བྱས་བྱུང་།
རང་གཟུགས་དཔྱད་ཡག་པ་གཅིག་འདུག
རང་པགས་པ་གཙང་བ་གཅིག་འདུག
དེ་ལས་གལ་ཆེ་ཁྱད་ཆོས་ཡག་པ་ག་རེ་འདུག་ལབ་ན།
རང་ཀླད་པ་དེ་སྤྱང་བ་ཞིག་འདུག
སྐབས་དེ་ནས་རང་གིས་ང་མི་ཚེར་འགྱུར་བ་དེ་འདྲས་བཏང་གི་ཡོད་པ།
ངས་དངོས་གནས་བསམ་བསམ་མ་བྱུང་།
ང་གཉིས་ཕར་ཚུར་དགའ་པོ་བྱས་ནས་བརྩེ་དུང་དེ་འདྲས་སླེབས་དུས་ཙམ་ལ།
ང་དངོས་གནས་ཧང་ཁོ་ར་སངས་བྱུང་།
རང་སྙིང་རྗེ་དྲགས་ནས་ང་རང་ལ་བལྟས་བྱས་བསྡད་དགོས་འཁེལ་གྱིས།
རང་གདོང་མཛེས་དྲགས་ནས་ངའི་མིག་ངར་ལྕགས་ཟུར་བྱས་འཐེན་གྱིས།
གོམ་པ་བརྒྱབ་བྱས་འགྲོ་དུས།
རང་ལ་བལྟས་བྱས་བསྡད་ཡོད།
ཁ་ལག་བཟས་བྱས་བསྡད་དུས།
རང་ལ་བལྟས་བྱས་བསྡད་ཡོད།
གསང་སྤྱོད་ནང་ཡོད་དུས།
རང་ལ་བལྟས་བྱས་བསྡད་ཡོད།
ང་ག་པར་ཕྱིན་པ་ཡིན་ནའི་ལས།
རང་ལ་བལྟས་བྱས་བསྡད་ཡོད།
ཚུར་ལ་ཉོན་དང་ང་ཡི་མཛེས་མ།
ང་ཡི་གླུ་གཞས་རང་ལ་བཏང་ཡོད།
ཆུ་ཚོད་ཉི་ཤུ་རྩ་བཞི་རང་དང་།
མཉམ་དུ་བསྡད་རྒྱུ་བྱུང་ན།
སུ་ལའང་མེད་པའི་བརྩེ་སེམས་བཅངས་ཡོད།
ཉིན་ལྟར་རང་ངས་ལག་པར་འཇུས་ཡོད།
ངས་རང་དང་མཉམ་དུ་བསྡད་པའི་ཆེད་དུ།
སུ་ལའང་སྣང་བ་མ་བཏང་།
རང་མེད་ན་ང་སེམས་སྐྱིད་པོ་མིན་འདུག
རང་མེད་ན་ང་བསྡད་ཐུབ་ཀྱི་མིན་འདུག
རང་མེད་ན་ང་མདུན་ལམ་མེད་པ།
སྤྱི་ཚོགས་ཀྱི་ལམ་ཁ་དེ་བརླག་པའི་ཟུར་འདྲ་ཅིག་འདུག
བྱས་ཙང་ང་དུས་ཚོད་ག་དུས་ཡོད་དུས་ཙམ་ལ།
རང་མཉམ་དུ་སྐྱེལ་ནས་བསྡད་ཡོད།
རང་ངའི་སར་མེད་དུས་ང་ངུས་བྱས་རང་དྲན་བྱས་བསྡད་ཡོད།
རང་གི་སྐད་གོ་དུས་ངའི་སེམས་འཕུར་གྲབས་བྱེད་ཀྱིས།
བྱས་ཙང་རང་གི་གདོང་སྙིང་རྗེ་པོ་དེ་ངའི་མཛུབ་མོ་མཉམ་དུ།
བྱམས་པོ་བྱེད་འདོད་ཀྱིས།
རོགས་པ་ཐུག་དུས་ཡ་བྱེད་ཀྱི་མེད་ད།
སློབ་སྦྱོང་ལ་རིག་པ་སྒྲིམ་གྱི་མེད་ད།
དུས་ཚོད་མང་པོ་འཕྲོ་བརླག་བཏང་གི་ཡོད་ད།
དེ་ཚོ་ཚང་མ་རང་གི་ཆེད་དུ་ཡིན་ད།
མི་ཚོས་དགའ་པོ་བྱས་བྱས།
ང་གཉིས་མཉམ་དུ་པར་བརྒྱབ་པ་དེ་ཚོར་ཁོང་ཚོས་མཐེ་བོང་ཡར་བརྐྱང་གིས།
མཐེ་བོང་ག་ཚོད་མང་བ་ཡོད་ནའི་རོགས་པ་མང་ཆེ།
སྙིང་རྗེ། མཐོང་ཆེ། གལ་ཆེ་ཡོད་པ་བསྟན་གྱིས།
བྱས་ཙང་། ངས་རང་གི་གདོང་ལ་བལྟས་བྱས་བསྡད་བྱས།
ང་རང་འཐོམ་བྱས་བསྡད་ཀྱིས།
ངའི་མི་ཚེ་དེ་འདུག་ཟེ་བྱས་འགྲོ་མཁན་རེ་ཅིག་བྱེད་ཀྱིས།
ཁྱད་མཚར་རེད། མི་དངོས་གནས་ཀྱི་འབྲེལ་བ་དེ་བརླག
མཐའ་མཇུག་དེར། རང་དང་ང་ལམ་ཁ་དེའི་སྒང་ལ་གཅིག་པུར་ལྷག
སོ་སོའི་ཁ་པར་དེར་སྙིང་ལས་ལྷག་པ་བརྩིས།
མི་ཚེའི་གལ་ཆེ་དེ་ཚོ་ཚང་མ་བརྗེད།
དེང་སང་གི་སྤྱི་ཚོགས་འགྲོ་སྟངས་དེ་འདྲས་རེད་ཤག
མི་ལས་གློག་ལ་གལ་ཆེ་བརྩིས་ཤག
ཚུར་ལ་ཉོན་དང་ང་ཡི་མཛེས་མ།
ང་ཡི་གླུ་གཞས་རང་ལ་བཏང་ཡོད།
ཆུ་ཚོད་ཉི་ཤུ་རྩ་བཞི་རང་དང་།
མཉམ་དུ་བསྡད་རྒྱུ་བྱུང་ན།
སུ་ལའང་མེད་པའི་བརྩེ་སེམས་བཅངས་ཡོད།
ཉིན་ལྟར་རང་ངས་ལག་པར་འཇུས་ཡོད།
ངས་རང་དང་མཉམ་དུ་བསྡད་པའི་ཆེད་དུ།
སུ་ལའང་སྣང་བ་མ་བཏང་།