歌手:林海峰
专辑:《三字头》

作词 : 林海峰
作曲 : 陈奂仁
某一年一班刚刚考完会考同学约埋一齐唱k
流行曲唱到一半时候
其中一位朋友问隔离位一个问题
喂你估吓二十年后今日我地会变成一个咩人呢
二十年后可能已经变成一个西装骨骨中环人
手带劳力士银包有好多张信用卡
放工时候就一齐响酒吧度
一边望住个烟灰盅
一边就望住隔离台个女仔
睇吓条裙几时会走光
二十年后大概终于会买个部好想拥有既汽车
但系仲有二十几期要供
二十年嘞应该转过好多份工
识做野越越多
但系同时发觉学识越越少
睇个时间间唔中可能会去吓gym
但系做做去都系减唔到个肚腩
当然二十年你间唔中都会谂起一段
一路都未能放低感情
女朋友越越多但系爱越越少
细路哥
你得到什么

你失去什么
你知道
what are u looking for
大概个时候可能会有身边亲人离开
而系个阵时你会有好多讲唔出口遗憾
同时间你会发觉原来人生已经过一大半
同年终于结婚嘞
用左半生积蓄俾左一层楼首期
有车位有泳池会所
娱乐越越多但系快乐越越少
两年后可能会离婚
回复单身之后一个晚上一个人系床上面
揸住个摇控不停转台食两粒安眠药
跟住点起支薄荷烟
然后流一滴自亲人离世之后眼泪
突然之间你又谂起响二十年前
你系一个咩人系个一晚
一大班同学约埋出唱k唱到天光
仲记得系个朝返到屋企时候
打开门响台面见到有一碗屋企人留低汤
碗汤已经冻佐