歌手:黄秋生
专辑:《地踎摇滚》

记得喺我六岁嘅时候
我阿婆带我去一个好远好远嘅地方旅行
喺一列布满士兵嘅火车上面
我哋遇见一个死刑犯
嗰啲着住绿色制服嘅人 带紧佢去刑场
当一粒冷酷而无表情嘅子弹安放入枪膛入面之后
佢哋将会喺刑场上面结束佢嘅生命

而家我哋继续行程
去到另一个世界
我哋依家继续行 继续行
火车继续行驶
风声 车声 人声 枪声
甚至乎 无声
大部分嘅时间 佢都笔直咁样企喺车头
好似一支领航嘅旗帜
冷冷睇住车上边 饮得烂醉嘅乘客 人来人往

佢喺离开之前望咗我最后一眼
佢面上面带住一个好奇怪嘅笑容
深深咁样震动我幼小嘅心灵
忽然之间 我感觉到一种前所未有嘅温暖
我哋係无言之中 默默咁样 交流咗一个强烈嘅欲望
杀死每一个人

二十年之后 我强壮得可以用任何嘅方式 杀死每一个人
而家阳光抚摸我赤裸嘅上身
我笔直咁样企喺当年佢企个位置
睇住佢当年曾经睇到嘅同一个风景
感受佢当日同一个感觉
火车继续移动 草原以一个奇怪嘅角度展现喺我眼前
我嘴里面品尝住远方吹来嘅寒风
我祈求苍天 感谢你赐我力量
绿色制服 企喺我身边
同我一齐超越时光 望到二十年前嘅我 就企喺我面前
一个小朋友 然后渐渐消失
喺心里入面 我静静咁样向苍天 诉说住再见
一係我最后见到嘅影像
一粒金属 就快要将我生命完结
我甚至已经感觉到远方 另一个世界
我唔肯定 我会不会返嚟
再返嚟喺每一个人心里面