咱 作曲 : 郑宜农  應該用啥物款的語言  啥物款的聲音  啥物款的速度  配合啥物款的姿勢  來講出遐个字  才會當往你來倚近  敢講咱拚命盤過千山萬里  踏過憤怒佮記持  踏過原本的家己  是為著消磨彼此的意志  你看 遐是規塗跤的血佮肉  每一个人 攏失去一部分的夢  相諍了後 壁總算崩矣  四面空空 後一步欲對佗位行?  啊~  欲用啥物款的語言  啥物款的聲音  坦白啥物款的脆弱  分享啥物款的願望  你才會 捌我的感情  敢講咱拚命盤過千山萬里  踏過憤怒佮記持  踏過原本的家己  是為著消磨彼此的意志  你看 遐是規塗跤的血佮肉  每一个人 攏失去一部分的夢  相諍了後 壁總算崩矣  四面空空 後一步欲對佗位行?  你看 遐是規塗跤的血佮肉  拚命發出聲 煞加添孤單  相諍了後 壁總算崩矣  四面空空 後一步欲對佗位行?  你敢知影  你敢知影