随行
 作词 : 柯大堡KoDaBow
 作曲 : 柯大堡KoDaBow
 编曲 : 徐平Hsu Ping
 制作人 : 黃少雍Huang Shao Yong

望花开 像妳的面容遮尔媠
相偎伫 咱起程彼一日
毋惊风吹落离枝 雨水嘛无打紧
期待著伴妳相随

想当时 为日子拖磨不如意
毋敢想 欲当时才会醒
是妳温暖的慈悲 重新予我信心
渡过了偌济寒冷的冬天

时间到咱就行～行～啊行 为心所爱的人苦行一段
沿路有满腹的感谢 为伊流一滴汗
时间到咱就行～行～啊行 为心所爱的人付出一寡
永远是妈祖的囡仔 有伊惜命命 咱继续行

风微微 交伴著花香传千里
无私的人情味上贴心
毋管咱来自叨位 无人是为家己
亲像伊 是咱天顶的母亲

时间到咱就行～行～啊行 为心所爱的人苦行一段
沿路有满腹的感谢 为伊流一滴汗
时间到咱就行～行～啊行 为心所爱的人付出一寡
永远是妈祖的囡仔 予伊来惜命命

只要我 阁有一点仔价值阿
世间的善良咱继续添乎满
护持著天上圣母的名

时间到咱就行～行～啊行 为心所爱的人苦行一段
沿路有满腹的感谢 为伊流一滴汗
时间到咱就行～行～啊行  为心所爱的人阁付出一寡
我永远拢是妈祖的囡仔  咱继续行