Yatlashtuk
 作词 : Muhammatjan Rashidin
 作曲 : Taxmamat-Batur
يامان كۈنلەردە تۇققان ئىدۇق
روناق تاپقاندا ياتلاشتۇق
پالاستىن تەستە ئايرىلىپ
گىلەم ئاسقاندا ياتلاشتۇق
تامان ئۇنتۇلدى ھەم زاغرا
تۇقاچ ياققاندا ياتلاشتۇق
ئۇچۇپ چىقتۇق دىسەك كۆككە
قانات قاتقاندا ياتلشتۇق
ئانام كەتتى بىرەر ئۆيدە
تۈزۈك تۆت كۈن تۇرالماستىن
ئىلىندى تاختىغا نانلا
ئازاپلاندى سۇرالماستىن
دادامنى مەنمۇ كەتكۈزدۈم
بىرەر پاقلان سۇيالماستىن
شۇلار ھەسرەت بىلەن نىمجان
تىنىپ يانغاندا ياتلاشتۇق
زۆرۈر بولسا مالاي قىلدۇق
شۇلارغا نەۋرە باققۇزدۇق
كىلىنلەر چاچ تاراپ يۈردى
شۇلارغا نان ياققۇزدۇق
قىلىپ تەنە بەزەن جاھان
جاھاندا يوقنى تاپقۇزدۇق
باقار چاغدا باھانە كۆپ
كىسەل ياتقاندا ياتلاشتۇق
 ئانا كەتتى دىمەك بىزدىنمۇ ياز كەتتى
چالارغا ساز ئىچەرگە ئاش
كۆڭۈلدىن بىرگە ياز كەتتى
ئىزادا ئۆتتى ھېيىت ئايەم
قىلالماي جەم قېرىنداشنى
ئۆتەرمىز ئۇچۇرشىپ قالساق
ئارانلا لېڭشىتىپ باشنى
ئىناقتۇق كەپىدە توۋا
ساراي سالغاندا ياتلاشتۇق
تالاي يىللىق قېرىنداشلىق
مىراس ئالغاندا ياتلاشتۇق