羌塘那曲
 作词 : དྲན་གསལ།
 作曲 : བཀྲ་ཤིས་དཔལ་ལྡན།
བྱང་འབྲོག་ནག་ཆུ།
བྱང་འབྲོག་ནག་ཆུའི་རྩྭ་ཐང་ན།།
མེས་པོའི་སྦྲ་ནག་གོང་དཀར་མཛེས།།
ཁྱིམ་ལ་གཡང་གི་ཉི་མ་ཤར།།
ཟས་ལ་ཤ་མར་ཐུད་གསུམ་འཛོམས།།
ཡ་རེ་ལོ།
སྦྲ་སྨུག་པོ་གནའ་མིའི་ཕ་གཞིས་ཡིན།།
ཟས་ཤ་མར་གནའ་མིའི་ཟས་མཆོག་ཡིན།།
སྟག་ཤར་དུང་གི་སོ་སྒོ་ཅན།།
མགོ་ལ་ཝ་ཞྭ་གྲ་ཡག་གྱོན།།
སྨན་ཤར་བྱུ་རུའི་རྣ་ལུང་ཅན།།
མགོ་ལ་ཚར་དཀར་ཞྭ་མོ་གྱོན།།
ཡ་རེ་ལོ།
སྟག་ཤར་ར་ཕྱི་ཡི་སྲུང་མ་རེད།།
སྨན་བུ་མོ་གཞིས་ཀྱི་ནང་འཛིན་རེད།།
བྱང་འབྲོག་ནག་ཆུའི་རྩྭ་ཐང་ན།།
ཕྱུགས་རིགས་མུ་ཏིག་བཀྲམ་འདྲ་ཡོད།།
གཞོན་ནུས་རྫི་གླུ་སང་སེང་ལེན།།
མ་སྲུས་བཞོ་དབྱངས་ངག་ལ་འགུག
ཡ་རེ་ལོ།
གླུ་རེ་རེའི་ནང་ན་འོ་མ་ཡོད།།
ངག་རེ་རེའི་གསེང་ན་བདུད་རྩི་འཁྱིལ།།