青海湖
 作词 : 东升加
 作曲 : 仁多尔
མཚོ་སྔོན་པོ་གནའ་འཕྱོ་ད་འཕྱོ་ཡིན།
ཚིག：དུང་ཟིན་རྒྱལ།
དབྱངས：རིག་རྡོར།
ལེན་མཁན：རིག་རྡོར།
～
མེས་པོ་དཔའ་མཛངས་ཅན་གྱི་རུས་རྐང་ལ་འཐིམ་པའི་འོད་ཀྱི་གོང་བུ་ཡིན།
ལོ་པཎ་རྣམ་དཔྱོད་ཅན་གྱི་ཞབས་རྗེས་ལ་འཁྱིལ་བའི་གླེགས་བམ་མཚོ་མོ་ཡིན། འཕྱོ་ཡ།
སྔོན་པོ་ཆལ་ཆིལ་རླབས་ཀྱི་གདོང་བ་འཕྱོ། གསེར་ནག་ལྷུང་ལྷུང་ཆུ་བོའི་རིག་པ་འཕྱོ།
མཚོ་རྒན་མ་གཏེར་གྱི་བདག་པོ། མཛོད་གྱི་བདག་པོ།
དགུང་སྔོན་པོ་ཁ་ཞེང་ཇི་ལྟར་ཆེ་རུང་། མཚོ་བྱུང་ལྷ་ཡིས་བྲིས་བའི་མེ་ལོང་འདི་ལས་ཡལ་མ་མྱོང་ལ།
ས་དོག་མོ་ཞེང་ཁམས་ཇི་ལྟར་ཡངས་རུང་། རྐྱང་རྒོད་རྟ་ཡིས་བཅད་པའི་དཔངས་རྒྱ་འདི་ལས་བརྒལ་མ་མྱོང་།
ཕ་ཨ་ཁུའི་དད་པའི་གཟི་ཆུང་བརྒྱུས་བའི་རིན་ཆེན་འཕྲེང་བ་ཡིན།
བུ་ང་འདྲ་ཚོའི་རེ་བའི་རྨི་ལམ་བཅོལ་བའི་ནམ་མཁའ་སྔོན་མོ་ཡིན།
འཕྱོ་ཡ།
ས་རྐང་གཞུང་གི་ཡུལ་ནས་འཕྱོ། བོད་ཁ་བའི་ལྗོངས་ནས་འཕྱོ།
བུ་རྒོད་པོའི་སྐྱ་རྩལ་ངོམས་སྟེ་ལྷ་དར་འཐེན་ཡོད།
སྨན་མཛངས་མས་སྦྲ་སྒོའི་བར་ནས་གསེར་སྐྱེམས་མཆོད་ཡོད།
ཡོད། མི་ཡུལ་ན་གྲགས་པ་འབར་བའི་གཡུ་ཡི་དགུ་ཚིགས།
བདག་སེམས་ན་སྟོབས་ཀྱིས་འཕྱོ་བའི་ལ་རྒྱའི་མཚོ་མོ། འཕྱོ་ཡ།
ན་ཟུག་གི་འཕྱོ། སྤོབས་པ་འཕྱོ།
གངས་ཏི་སེའི་ཡེ་ཤེས་ཀྱི་སྤྱན་གྱིས་ཁྱེད་ལ་རེ་བཞག་གི་རྒྱང་གཟིགས་གནང་ཡོད།
ཤར་རྨ་རྒྱལ་སྦོམ་རའི་དུང་སྒྲ་རིང་མོས་ཁྱེད་ལ་ཀི་བསོ་བའི་ལྷ་རྒྱལ་འཐེན་ཡོད།
སྒྲོལ་མ་དཀར་མོའི་སོར་རྩེ་ངལ་བའི་ལྷ་ཡི་རྫིངས་རིང་ཡིན།
བློན་པོ་འགར་གྱི་སེམས་པ་ངལ་བའི་གསེར་གྱི་ཞལ་ཆེམས་ཡིན།
འཕྱོ་ཡ།
རེ་བ་འཕྱོ། རྨི་ལམ་འཕྱོ། ཕོ་ཁྱུང་འབྲུག་གི་ཚང་མལ་དཀྲུགས་ཏེ་དར་ཚོན་སྣ་ལྔའི་འཇའ་གུར་གཏོར་ཤོག
གསེར་མིག་ཉ་མོའི་འཁྱུག་རྩལ་གཡར་ཏེ་འབྱོར་ལྡན་ཀླུ་ཡི་ཕོ་བྲང་བརྟོལ་ཤོག
བག་འཁུམ་ལེ་ལོའི་ངན་གོམས་བཀྲུས་ནས་མེས་པོའི་བློ་སྤོབས་ང་ཚོར་གནང་ཤོག
རེ་སྨོན་གྱི་མཚོ་མོ་ལགས། ཆལ་ཆིལ་གྱི་ཟེགས་རྡུལ་དགུང་ལ་གཏོར་དུས།
སྐྱོ་བ་ཟ་ཟི་ཞིག་གི་སྒོ་རླགས་ཕྱེས་མོད། ངས་ཀི་བསོ་ཡི་ལྷ་སྐད་ལས་ལེ་བདའ་ཡི་རྔམ་པ་འཐེན་མ་མྱོང་།～
གནའ་མི་ཞིག་གི་སྤོབས་པ་ཡིན།
བཙན་པོ་ཧྲག་དམག་སྟོང་གི་རྨིག་རྗེས་ཡིན།
ཁྲི་སྡེ་འབྲོག་གི་བྲང་ཁོག་གཤགས་པའི་རྨ་ཁ་ཡིན།
འཕྱོ་ཡ།
ངང་བ་སེར་པའི་འོ་མ་འཕྱོ། རུས་སྦལ་རྒན་པོའི་ཚེ་ལོ་འཕྱོ།
སྔོ་སྔོ་ར་ཡི་སྲུང་ཁ་གསོས་ཏེ་ཚེ་ཐར་འཐེན་ཡོད།
སྟོང་ལུག་ར་ཁ་དངུལ་གྱིས་ཤན་ཏེ་ལབ་ཙེ་བརྩིགས་ཡོད།
མཚོ་སྔོན་པོ། ང་ཡི་མཚོ།
ལྷ་ཡི་སྤྱན། ན་གཞོན་ཞིག་གི་སྒལ་ཚིགས་ཡིན།
ཁྱིམ་ཚང་ཞིག་གི་སྲུང་མདའ་ཡིན།
མི་རབས་ཤིག་གི་རྨི་ལམ་བསྲེགས་སའི་ཐབ་ཀ་ཡིན།
འཕྱོ་ཡ།
རླབས་རླུང་གིས་བསང་དུད་གཡས་སུ་བསྐོར་ནས་ཇོ་མོ་བླ་རིའི་འཕྱང་འཕྲུལ་ཉན་ཤོག འཕྱོ་ཡ།

ཀ་ཁ་ག་ངའི་ཟགས་མ་འཕྱོ། འཕྱོ་ཡ།
ཅ་ཆ་ཇ་ཉའི་རྦ་རླབས་འཕྱུར་ཤོག
གནའ་ཡང་འཕྱོ་ལ་ད་ཡང་འཕྱོ།
འཕྱོ་ཡ། མཚོ་སྔོན་པོ།～