珠穆酒曲
 作词 : 民间
 作曲 : 民间
འབྲུག་མོའི་སྐྱེམས་ཆང་།
གཞས་གདངས། དམངས་ཁྲོད།
གཞས་ཚིག དམངས་ཁྲོད།
གཞས་མ། ཧོར་གཙང་ལྷ་ལུང་འཚོ།
～
གླུ་ཨ་ལ་ཨ་ལ་ཨ་ལ་ལེན།
མ་ཐ་ལ་གླུ་ཡི་ལེན་ལུགས་རེད།ཡ།
ཤར་གཡུ་ལོ་བཀོད་པའི་ཞིང་ཁམས་ནས།
མ་རྫེ་བཙུན་སྒྲོན་མ་དཀར་མོ་མཁྱེན།ཡ།
བུ་མོ་ང་ལ་སྡོང་གྲོགས་མཛོད།
ས་འདིའི་ས་ངོ་མ་ཤེས་ན།ཡ།
ས་བཟང་པོ་སྨོན་ལམ་ལ་ཁ་རེད།
སྨན་ང་དང་ང་ངོ་མ་ཤེས་ན།ཡ།
སྒ་སྐྱ་ལོའི་སེང་ལྕམ་འབྲུག་མོ་ཡིན།
ང་འཛམ་གླིང་བུ་མོའི་དྭངས་རྩེ་ཟེར།ཡ།
གླིང་དཀར་ཡུལ་གྱི་སྙིང་བཅུད་རེད།
སྒ་སྐྱ་ལོ་སྟོན་པའི་སྲས་མོ་ཡིན།ཡ།
དེ་ནས་སེང་ཆེན་རིན་པོ་ཆེ།
དེ་རིང་སེང་ལྕམ་འབྲུག་མོ་ངས།ཡ།
མེ་ཏོག་ཕོག་པའི་ལྷ་ལྐལ་ལ།
བཅུ་གསུམ་དར་གྱི་མཇལ་དར་ཡོད།ཡ།
ཡང་དཀར་ཡོལ་བཀྲ་ཤིས་ཡུ་རིང་ནང་།
གྲུབ་པའི་རྒྱལ་མོའི་ཚེ་ཆང་དང་།ཡ།
ད་རྒྱ་གར་ཡུལ་གྱི་རྒུན་ཆང་དང་།
རྒྱ་ནག་ཡུལ་གྱི་ས་ལུའི་ཆང་།ཡ།
ད་བོད་ཡུལ་སྔོན་མོ་ནས་ཀྱི་ཆང་།
དགྲ་ལྷ་དགྱེས་པའི་སྐྱེམས་ཆང་ཡིན།ཡ།
ཝེར་མ་མཉེས་པའི་ཕུད་མཆོད་ཡིན།
སྐུ་ཚེ་རིང་བའི་ཚེ་ཆང་ཡིན།ཡ།
ཆང་འདི་བཞེས་དང་དབུ་འཕང་མཐོ།
ངས་དེ་རིང་སེང་ཆེན་རྗེ་ལ་འབུལ།ཡ།
འདི་ནས་བྱང་ཆུབ་སྙིང་པོའི་བར།
བསྟན་འགྲོའི་དོན་ཆེན་སྒྲུབ་པ་ལ།ཡ།
ཁོ་མོ་ལུས་དང་གྲིབ་མ་བཞིན།
འབྲལ་མེད་སྐྱོངས་ཤིག་སེང་ཆེན་རྗེ།ཡ།
སྐྱེས་བུའི་ཐུགས་ལ་དེ་ལྟར་ཞོག(ཡ།) ³
～