微之忆薛涛
江陵月，
照愁眠。
茫茫煙水高接天：
祗見雲封霧障，
使我情懷亂，
祗恨冷月空圓，
佢不照人圓。
今日同心人散，
空結同心草，
殘垣衰草遮斷山川：
姐呀你含怨在天涯，
何時得歸轉，
枉我在成都苦候，
轉眼又過一年。
嘆句好夢難圓，
贏得鶯啼蝶怨，
辜負琵琶花下，
我哋誓情堅：
今日東去、東去伯勞西飛燕，
當日長亭折柳咯，
我黯無言。
痛恨呀權奸他謀播亂，
虐民暴政，
咁就竊據西川：
我微之空有、空有拯民願，
可嘆彈章十道，
可惜難達聖君前。
【乙反】猶記漫天風雨，
你逼作離巢、離巢燕，
係嬌花呀嘅弱柳，
慘受熬煎：
將你放逐呀成都呢，
我功名都被貶，
煙波呢江上，
曾見你愁上花船。
見你手抱琵琶，
啼滿面，
復被權奸威嚇，
要你詠唱詩篇呀。
卿呀你心比天高呢，
獨惜係身如絮賤，
惟將滿腔呀愁緒，
訴冰絃。
【長腔】【乙反南音雙序】【正線】猶記錦江呀春晚，
花月艷，
你在船欄眺望，
我倚馬立橋邊：
你係才女慕才郎，
有從良嘅願，
我哋詩壇佳侶咯，
咁就共接高賢。
我哋品茗評花，
就把才調、才調展：
相逢恨晚，
共展翠雲箋：
詩魔為月老，
的確人稱羡，
尋章摘句，
咁就錦字結奇緣。
暫享愁中樂，
暫結難中：緣。
我哋酒瀾同詠,
嗰位月中仙：
君呀上陽白髮，
佢熱腸就詩中見，
連昌宮詞調，
佢歌罷淚漣漣。
唉花開呀不共賞，
花落不同係悲共怨，
佢工愁善詠，
每觸心酸：
詠到織女呀與共牛郎都難相見，
詠到夢殘花落咯意纏綿。
【乙反】總之係命蹇呀時乖呢，
情深緣淺，
聽罷權臣斥罵，
又聽啼鵑：
將你再逐呀出松州呢，
千里遠，
兩下煎心呀夜夜，
抱恨年年。
【中腔】【乙反南音單序】
姐呀你係天降下，
一位女詩仙呢。
見你平康墮落，
實覺堪憐。
可敬你身出呀污泥、身出污泥而不染，
凌霜傲雪鬥寒天：
我微之呀空有押下同心眷，
是詩為媒證，
錦字結良緣。
今日罡風呀吹散、吹散雙雙燕，
恨無良計,
去救嬋娟呀。
記得傷心呀話別、話別松州道，
你重哀哀呢囑咐，
嗰首斷腸言。
你叫我挽救呀你嘅孤魂，
回鄉轉，
莫使詩魂變野鬼呀，呀：
【拋舟腔】莫使詩魂變野鬼，
葬西川：
可恨我係書生呀手無、手無三尺劍，
今日有違姐你、 姐呀你嘅留言。
【中腔】【乙反南音單序】
水涓涓。
我孤身客子魂夢顛連。
言在耳邊呢腸寸斷，
想必你魂在望鄉台上化輕煙。
可憐相隔、相隔天涯遠，
不見娥眉秋月，
徒聞江峽啼猿。
我係愁人怕聽、怕聽船歌怨，
唱出花飛花落，
滿霜天。
思念離人惟有淚將襟染，
遙聽商婦含愁撥冰弦。
料想伊人也將微之念，
我臨風泣血似啼鵑。
握管鋪箋呢把愁娥歛，
愁娥歛黛在鏡裡燈前。
我望斷雲山呢欲見伊人面，
無奈不見伊人見逝川。
我欲救佳人當把奏章重獻，
希望懲兇誅惡咯正坤乾。
我再寫哀函，
慰解怨鶯啼燕，
用血和苦淚寫在薛濤箋。
雲路雖遙我倆情未斷，
我倆情未斷咯，
知否我在煙波呀江上，
煙波江上憶離鸞。